"Gorputza eta sexualitatea ezagututa, zer nahi dudan, zer gustoko dudan jakiteko hezkuntza planteatu behar da" azaldu du Torregrosak, "ezin da sexu hezkuntza ugalketa, haurdunaldiak eta IHESA-ren beldurrarekin egin soilik".
SKOLAE programaren lagungarria izan daiteke gida hau, LAB sindikatuak azaldu duen moduan. Gidak, ariketak, klase dinamikak eta baita ikasle zein irakasleendako liburu eta dokumental gomendioak ere jasotzen ditu. Gainera jarraipen berezia eman nahi diote edukiari, horretarako aholkularitza kontaktu bat ere izanen dute irakasleek sindikatuko sexologoekin, irakasgelan sor daitezkeen zalantzak argitu ahal izateko. Haur eta lehen hezkuntzarako gidarekin hasi dira, baina bigarren hezkuntzarako sexu hezkuntza materiala ere sortzeko asmoa dute