Esana zuen kontzertu handi bat emateko asmoa zuela, eta gaur jakinarazi du non eta noiz izango den "inor kanpoan utziko ez duen" emanaldia.
Berri Txarrakek iragarri du kontzertu erraldoia emango duela uztailaren 14an, igandean, Bilboko Kobetamendin, BBK Live musika jaialdia amaitu eta hurrengo egunean.
Talde nafarrak esana zuen "inor kanpoan utziko ez duen kontzertua" emateko asmoa zuela 'Ikusi arte tour' biraren baitan, azaroan 'agur' esan aurretik. Gainera, "ez-ohiko" emanaldia izango dela azaldu dute.
Sarrerak bihar eguerditik aurrera egongo dira salgai tickets.berritxarrak.net webgunean.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.