Kamioilari bat salatu du Foruzaingoak kotxeak mehatxatu eta atzetik presioa egiteagatik

Euskalerria Irratia 2019ko api. 1a, 10:24
Deskargatu Info Ahotsak :
Español English Français Català Galego

N-121-A errepidean gertatu da, Belateko tuneletan. Kamioi bat kotxe baten atzetik doa. Gehiegi gerturatzen da kotxearengana, argiak botatzen dizkio, behin eta berriz jotzen dio klaxona azkarrago joan dadin. Kotxe barrutik bideoa grabatu eta sare sozialetan hedatu egin da. Kotxe barruan izua eta urduritasuna entzuten da, baita Foruzainei egiten dioten deia. Kamioilaria Sunbillan gelditu egin dute. Ausarkeriaz gidatzeagatik 500 euroko isuna jarri eta karneteko sei puntu kendu dizkiote. Kamiolariak soilik bi puntu zituen ordurako.

"Kamioi bat atzetik segika dut, gehiegi ari zait gerturatzen...kotxean bi haur txikirekin goaz eta oso izututa gaude" halaxe kontatzen diote kotxe barrutik Foruzainei gertatzen ari dena. Bideoan ikus daitekeenez, kamioa behin eta berriz gerturatzen da kotxearen atzekaldera. Belateko tunel barruan argiak botatzen dizkio kamioilariak kotxeari, klaxona bota. Behin tuneletatik irtenda, Bertizerako bidean, atzean geratzen da kamioia.

Bai Foruzainek eta baita zonaldeko bizilagunek ere aipatu dutenez, ohikoa da horrelako egoerak ematea, kotxe eta nazioarteko kamioien artean. Jon Abrilek bere twitter kontuan, "eguneroko ogia" dela aipatu du, N-121-A errepidean.

Gizartea Nafarroa

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!