Pertsona bat hil da gaur Nafarroako Ospitalean, goizean N-121 errepidean, Tebas-Muru Artederreta herriaren parean, izandako trafiko istripu batean larri zauritu ondoren.
Ezbeharra 09:15 aldera jazo da N-121 errepideko 11. kilometroan. Ikertzen ari diren arrazoiak tarteko, bi ibilgailuk talka egin dute. Kolpearen ondorioz, hiru pertsona zauritu dira, bi larri. Hain justu, horietako bat da gerora zendu dena.
Foruzaingoko Bide Segurtasuneko agenteek bideratu dute zirkulazioa, eta Atestatu eta Ikerketa taldeko agenteek ikerketa abiatu dute.