Altsasuko 44 urteko gizonezko baten bila dabiltza. Igandean 10:30etan etxetik alde egin zuen haren emaztearekin eztabaida izan ondoren eta ordutik ez dago gizonaren arrastorik. Ez dakite nora joan den ezta bestelako zantzurik ere. Emazteak berak etxera bueltatzen ez zela ikusita Guardia Zibilaren kuartelean jarri zuen salaketa astelehen goizean eta ordutik ari dira gizonaren bila. Guardia Zibilarekin batera bilatze lanetan ari da Foruzaingoa, Basozain taldea eta Altsasuko suhiltzaileak. Helikoptero bat ere ari da haren bila Altsasu inguruetan.
Etxetik deus gabe irten zen gizona: ez zeraman ez diru-zorrorik, ez telefono mugikorrik ez kreditu txartelik ere.