Ariketarik konplexuenak eta anbizio handienetakoak izanen direla jakinarazi dute Aireko Armadatik 'Sirio 19' izeneko hauek. Astelehenean hasi zituzten ariketa horiek eta ostiralean amaituko dituzte. Bardeako Tiro Poligonoan eginen dituzte zenabit maniobra baina ez bakarrik Bardean, beste lurralde eta herri batzuetatik ere pasako dira: Burgos, Bizkaia, Zaragoza, Valladolid, Salamanca edota Soria.
Fikziozko egoera bat planteatuko du Aireko Armadak: bi lurralderen arteko egoera politiko eta militarrean barneratuko dira, Nordia eta Iberness izendatuak, eta krisia eta gatazka biziko dute horietan. Modu horretan eginen dituzte egin beharreko ariketa militarrak.
