Irati Goikoetxearen Basa bizi poema saritu du Nafar Ateneoak antolatu duen I. poesia sariketan. 1.500 euroko saria jasoko du idazle beasaindarrak. Irrintzi Plazako kolaboratzaile da Irati Goikoetxea.
Bertsolari eta gai jartzaile aritu izan da; 2000 urteko Lazkao-Txiki bertso-paper lehiaketan, adibidez, sari bat jaso zuen. Gazteentzako literatura sari hainbat jaso izan ditu, bai olerkigintzan eta baita narratiban ere. Jaso dituen sarien artean: On Manuel Antia, Maria de Maeztu, Iparragirre, Gabriel Aresti lehiaketan akzesita, Peru Abarka, Satarka, Bordari. 2014an argitaratu zuen bere lehenengo ipuin liburua: Andraizea.