41 greba egunen ostean lan hitzarmena lortu dute Navarplumako langileek

41 greba egunen ostean lan hitzarmena lortu dute Navarplumako langileek

41 eguneko grebaren ostean, Navarplumako langileek lortu dute lan hitzarmen kolektiboa. Gaur irriak, ospakizunak eta dantzak 38 langile dituen enpresa honetan. Momar Diop, Navarplumako ELA sindikatuko ordezkariak azaldu moduan, borroka gogorra izan da bainan bat eginda egin diote aurre, hemendik aurrera ere elkarrekin borroka eginen dute, lanera bueltan, enpresak atzera jo ez dezan.

Pasa den urterarte langile batzorderik gabe zegoen Aratzuri-Orkoinego enpresa honek. Apirilean ELA-k lortu zituen hiru ordezkariak eta ordutik borrokan izan dira, lan hitzarmen bat lortu eta enpresak zituen baldintzak eta desorekak aldatzeko.

Pasa den otsailaren 1ean greba mugagabean jarri ziren, enpresak negoziatzeko zuen jarrera eza ikusita. 41egun pasata, ekoizpena geldituta, lortu dute akordioa. %10 igoko dira soldatak, antzinatasuna, orain arte ordaintzen ez zena kobratuko dute langileek eta gaueko txandan plusa ere jasoko dute. Horretaz gain, lan txandak egonkortu eta zehaztuta izanen dira. ELA sindikatuko ordezkariak pozik azaldu dira gaur prentsaurrean, langileek borrokarako emandako eredua azpimarratuz.