Emakumeen eskubideekiko konpromiso erabatekoa eta generoen arteko arrakala txikitzeko betebeharra izanen ditu ardatz Emakumeen eta Gizonen arteko Berdintasun Legeak. Aitzindaria izanen dela uste du Ana Ollo kontseilariak.
Hartara, urteotan lan handia egin da: baliabideak bideratu dira eta zerbitzu berriak daude herritarren eskura. Oraindik hori bai, bide luzea geratzen da aurretik benetako berdintasuna erdietsi arte.
Nafarroako Berdintasun Institututik 2018an 146 ekimen egin dira, 2017an baino %20 gehiago. Aurrekontuari dagokionez ere urtetik urtera handitu egin da eta iaz 3,5 milioi euro bideratu ziren.
Zerga arrosari aurre egiteko beharra
Zerga arrosa izenarekin ezaguna da: emakumeek zenbait produkturengatik gehiago ordaindu behar izatea. Nafarroan zenbatekoa ote den jakiteko ikerketarik ba ote den galdetu diote Ollo kontseilariari. Zerga arrosa, emakumeei bideratutako zenbait produkturi ezartzen zaien zerga gehigarria da. Baina, BEZ ari lotuta dago. Beraz, Ollok esan du hori txikitzea Espainiari dagokiola, berarena baita eskumena. Zerga hori %4ra jaisteko proposamena mahai gainean dagoela berretsi du Ollok.
Berdintasun Institutuan aztertzen ari dira ikerketa lan bat egiteko aukera ezagutzeko zer nolako eragina duen zerga arrosa horrek gurean.