Bart hil da Angel Aintziburu idazle luzaidarra, 89 urte zituela. 1930. urtean jaio zen Aintziburu. Euskararen eta Luzaide herriaren inguruko lanak idatzi zituen bere bizitzan. 2014. urtean ohorezko euskaltzain izendatu zuen Euskaltzaindiak.
Bi liburu argitaratu zituen: Luzaiden gaindi (Elkar, 2002) eta Luzaiden gaindi II (Elkar, 2009). Luzaideko ohitura zaharrak eta istorioak bildu zituen liburuotan. Luzaideko etxeen izenak eta haien istorio txikiak bildu ditu geroztik.
Nafarroa Behereko Irulegi Irratiko berriemailea izan da. Aezkoako Irati Irratian mintzo ohi zen eta Iruñeko Euskalerria Irratian ere maiz egin izan ditu kolaborazioak.
