Emakume sareen bidez, elkarteen bidez eta mugimenduen bidez eraikitako parte hartzeari emanen diote indarra. Norbanakoaren ahalduntzea izan zen iazko goiburua eta hori erdietsita pauso bat aurrera eman eta kolektiboki egiten den emakumeen arteko lanari emanen diote ikusgarritasuna.
Legealdia amaitzen ari delarik, nabarmendu dute berdintasunaren bidean urrats handiak egin dituztela: Berdintasun Institutua erakunde independente bilakatzen hasi eta Berdintasunerako Legea onartzen amaituko dute.
Gaurtik hasi eta martxoaren 11ra bitartean eginen dute Ahalduntze Kolektiboaren aldeko kanpaina. Martxoaren 6an gainera adierazpena onartuko du Gobernuak berdintasunaren alde.