Soldata arrakalaren kontrako eguna izanen da biharkoa eta LAB sindikatuak Nafarroako lantokietako egoera ikusarazi du kalean. Protesta egin dute parlamentu parean kritikatzeko arrakala ez dela bakarrik soldatetan antzematen, baizik ere lan baldintzetan bestelako arlotan ere agerian geratzen dela emakumeen eta gizonen arteko aldea.
Industrian esaterako, lan baldintzarik egonkorrenak dituzten sektorean, soldata altuenak dituztenean %20 baino ez dira emakumeak. Aldiz, zaintza lanetan, prekarietate handiena dagoen sektorean, %90 baino gehiago dira emakumeak.
Erakundeek ere erantzukizuna badute desberdintasun horiekin amaitzeko eta neurri zehatz horien artean hauexek nabarmendu dituzte: berdintasun plan eraginkorrak egiteko enpresen barruan; kontziliaziorako eta erantzunkidetasunera benetako neurriak bideratzea; zaintza lanen aitortza egitea; etxeko langileentzat lan baldintza duinak eskaintzea edota haur eskolak doanekoak izatea.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
