Bizkaia, Gipuzkoa eta Arabari eskumen gehiago ez trasferitzearen alde lerratu da UPN Espainiako Senatuan. PPren proposamena izan da, eta Ciudadanos, Foro Asturias eta UPNren aldeko botoekin onartu da, gehiengo osoz.
"Abertzaleen aldarrikapenei" jaramonik ez egiteko eskatzen dio mozioak Espainiako Gobernuari: "Lurralde kohesioa defendatzen duen eta soilik abertzaleen aldarrikapenei kasu egiten ez dien Gobernua behar da". Gernikako Esatututuan bildutako eskumenak ez transferitzeko galdegiten du testuak. PPko senatari Esther del Briok adierazi du, "Moncloako presidente okupak eta kamikazeak" ezin diola "ezein autonomia erkidegori 30 eskumenetik gora oparitu".
EH Bildu, PSOE, Podemos, PDeCat, Talde Nazionalista eta Coalicion Canaria taldeek aurka bozkatu dute.
