Nafarroako Atzerritartasun Bulegoak tramite askotarako hitzorduak kezkagarriki atzeratzeak, hala nola Familia Berrelkartzeko Eskaeretarako, Finkatze Sozialeko Erresidentziarako eta Babes Internazionaleko Eskaeretarako, bidegabekeria larriak eragiten dizkie kaltetutako pertsona atzerritarrei. Hori dela eta, herritarrei dei egin diete Sos Arrazakeria eta Paperak eta Eskubideak Denontzat plataformetatik gaur, otsailak 19, 19:00etan Espainiako Gobernuak Nafarroan duen Ordezkaritzaren aurrean elkarretara daitezen.
Salatzen jarraitzen dute bi taldeok Atzerritartasun Legea "arrazismo instituzionalaren" adierazpenik handiena dela eta Asilo eta Babes Internazionalerako Legea aplikazioa ez dela eraginkorra. Horrek oinarrizko eskubideak urratzen dituela uste dute.
#ArrazismoInstituzionalaDa
#EskubideGuztiakPertsonaGuztientzat