Pedro Sanchezek 10:30etan iragarri du hauteskundeetarako data berria: apirilaren 28an eginen dira Espainiako Gorteetarako bozkak. Berehala iritsi dira batzuen eta besteen erantzunak. Nafarroako Lehendakariak, Uxue Barkosek, argi du: "Geroa Baik, EH Bilduk, Ahal Duguk eta Ezkerrak blokean aurkezteko, alegia, ordezkaritza bateratuan. "Nafarroan bermatu dugun gobernu sendoaren erakusle litzateke", adierazi du.
Adierazpen horiek egin eta gutxira iritsi dira gainerako alderdien balorazioak. EH Bilduk ontzat jo du Barkosen proposamena baina ez erabat: "Askoz ere zabalagoa beharko luke izan bateratze horrek", esan du Adolfo Araizek. Alegia, uste du lau alderdi horiek baino gehiagok beharko luketela izan tokia. Ezezko borobila eman dute beste bi alderdiek: Ahal Duguk eta Ezkerrak. Marisa de Simonek (Ezkerra) esan du "ezker ez-nazionalista" baten aldeko jarrera hartuko dutela. Ahal Duguk adiaerazi du formula hori duela lau urte adosten ahalegindu zirela eta ez zuela fruiturik eman.
