Bi foruzain eta bi guardia zibil. Almandozen kamioi batek izandako trafiko arazo baten aurrean liskarra sortu zen bi bikoteen artean. Nori dagokio Almandozko tunelean gertatzen den trafiko arazo baten arreta bere esku hartzea? Galdera horri erantzun desberdina planteatu zutelako "liskarra" izan zuten bi polizi bikoteek.
Kamioiak lastoak zeramatzan. Zegokiona baino karga handiagoa zuen eta tuneleko zenbait argi-bonbila kolpatu zituen. Iritsitakoan gertaeraren tokira foruzainak hasi ziren arreta eskaintzen eta bitartean bi guardia zibilak gauza bera egiten hasi ziren. Orduantxe hasi zen bi polizien arteko liskarra. Tentsio uneak bizi baziren ere minutu gutxira konpontzea lortu zuten.