Aurtengo lehen maniobra militarrak Bardean, aste honetan

Aurtengo lehen maniobra militarrak Bardean, aste honetan

Otsailaren 13, 14, 15 eta 18an eginen dituzte ariketa militarrak Bardeako Tiro Poligonoan. 

Bardeak Libre plataformak salatu du 2019ko lehen maniobra militarrak aste honetan izanen direla: otsailaren 13, 14, 15 eta 18rako iragarri dituzte. Benetako bonbekin ariko dira beste behin ere eta arriskua eraginen dute tiro poligonoaren inguruan. Errepideak itxiko dituzte eta denbora tarte batzuetan ezin izanen dira zeharkatu. Bardeak Libre plataformak kritikatu du Bardea eremu natural babestua dela eta hala ere Defentsa Ministerioak erabili egiten duela eremu hori militarrek maniobrak egin ditzaten. "Herritarrek erabaki beharko lukete Bardean egin behar denaren inguruan", uste du plataformak.