Uxue Barkos: "Herritarren Nafarroa nahi dugula aldarrikatzen ari gara, eta ez Madrilen ordezkari direnen Nafarroa"

Uxue Barkos: "Herritarren Nafarroa nahi dugula aldarrikatzen ari gara, eta ez Madrilen ordezkari direnen Nafarroa"
Uxue Barkos Lehendakaria Baluarten egindako ekitaldian. Arg: @unaihualde

Nafarroako lehendakariak eta Geroa Baiko kideek ekitaldi politikoa egin zuten atzo Baluarte jauregian. Itziar Gomez Iruñeko alkategaiak ere hartu zuen hitza. 

UPNrekin aritu da gogorren Uxue Barkos Lehendakaria: "Autogobernua ez da defendatzen ari Madrilen ultraeskuinarekin batera kalera atera denak", iradoki zuen. Espainiaren batasuna defendatzen ari da UPN eta modu horretan foru hobekuntzaren aurka edota Itun Ekonomikoaren aurka eta baita erregimen foralaren aurka ere, nabarmendu du Baluarte Jauregian egindako ekitaldi politikoan. Madrilen atzo egindako elkarretaratzeari begira uste du Barkosek "inflexio puntua" dela. 

Biharko Nafarroa  goiburuarekin egin dute hauteskunde atariko ekitaldia. Itziar Gomez Iruñeko Geroa Bairen alkategaia ere mintzatu zen atzoko ekitaldi horretan eta ez berak bakarrik baizik parlamentuko bozeramaile Koldo Martinez ere entzun ahal izan zen eta berarekin batera, Maria Solana eta Manu Aierdi kontseilariak ere.

Geroa Bairen erronka handietako bat "UPNk baino boto gehiago izatea" izanen dela nabarmendu zuen Uxue Barkos lehendakariak.