Gogoan izan dute duela zenbait urte errelebo-kontratu ugari egin zirela. Horietako batean hartu zuen parte bost urtez Jon izeneko lankideak. Hura amaitu eta duela sei hilabete berriz ere Arcelor Mittalen deia jaso zuen lan eskaintzarekin. Hiru urteko kontratua eskaintzan. Une horretan beste lan batean zebilen, baina, baiezkoa ematea erabaki zuen. Ezusteko batekin egin zuen topo baina: klausula bat sartu ziote sei hilabetez proban aritzeko. Sei hilabete horiek amaitu aurretik kaleratu egin zuten langilea. Eta ez zen hasiberria, lanpostu horretan bertan lan egindakoa izan baitzen lehenagotik ere.
Langilea berriz har dezaten abokatuarekin ari dira egin beharreko tramiteak egiten. Onartezina da enpresak hartu duen jarrera. Langile batekin gertatu da orain baina etorkizun baterako lehen adibidea izan daitekeelako kezkatuta daude.
