Inpunitatearen kontrako borrokan, Martin Villa, transizio garaian ministroa izandakoan jarri dute jomuga. Bere eskuhartze zuzena agerikoa izan da 75etik 79ra gertatutakoetan. Zifrak ere badaude, urte horietan 90hildako eragin baitzituen poliziak. Horregatik, Martin Villaren epaiketa eskatzen du plataformak, inpunitatearekin amaitzeko. Salaketak jartzeaz gain, udaletan mozioak sartuko dituzte eta estatuari eskatu diote, Martin Villak dituen ohorezko domin guztiak eta horiengatik jasotzen dituen pentsioak kentzea. 5 domin jarri zizkion Franco-k eta beste hiru jaso zituen demokrazia iritsita.
Martin Villa epaitzeko ekimen bateratua estatu osoan
Estatu osoan kolpe bateratua eman nahi diote polizi indarkeriaren inpunitateari. Ekimen bateratua aurkeztu dute estau osoko 25 talde memorialistek eta Polizia indarkeriaren 10biktimen senitartekoek. “Martin Villa Epaitu” kanpaina Iruñean, Gasteizen, Madrilen, Bartzelonan, Galizan eta Andaluzian aurkeztu da. Tartean dira, 78ko sanferminetako gertakizunak, Gasteizko martxoak 3koak, Madrilgo Amnistiaren alde azaltzeagatik hildako ikaslearen senitartekoak edo ta Almeria Kasua bezala ezaguna izan ziren hildakoen familiak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
