Hiru urteko espetxe zigorra emakume bati sexu abusuak egiteagatik auto baten barrenean, lau urte intimitatearen kontrako delituagatik eta hirugarren pertsona bati, autoaren gidaria zena, zigor ekonomikoa: bi hilabetez egun bakoitzeko 12 euroko kalte ordaina lesio arinak eragiteagatik. Beste biek 4.500 euro ordaindu beharko dizkiote biktimari sendatzeko behar izandakoa ordaintzeko eta beste 6.000 euro sortutako kalte moralengatik. Horixe da fiskaltzak eskatu duena 2016ko sanferminetan bost gizonezkok emakume bat bortxatu zuten berberentzat (bostetik lauk hartu zuten parte Pozoblancoko erasoan). Urte berean sanferminak baino hilabete batzuk lehenago izan zen sexu eraso hura Kordoban, Pozoblanco herrian.