Anekdota gaur goizean Iruñean. Goizeko zazpiak aldera izan da gertaera: gazte batek parranda egin ostean bainua hartzea erabaki du. Bianako Printzearen iturrian sartu-irtena egin du eta arropa blai eginda irten da. Udaltzaingoa une horretan bertatik pasatzen zen eta gaztea geldiarazi egin du. Jakinarazi die autobus geltokira zihoala autobusa hartu eta bere herrira hurbiltzeko. Udaltzainek aholkatu diote lehenbizi komunetan blai zuen arropa sekatzea.