Sanferminetako sexu erasoan parte hartu zuen Guardia Zibila jardunetik kendu dute

Iazko uztailetik zerbitzuan zegoen Guardia Zibila baina lantokia egokitu gabe. Oinarrizko soldata kobratzen zuen, lan egin gabe. 

Defentsako Aldizkari Ofizialak gaur argitaratu duenez, Antonio Manuel Guerrero Escudero 2016ko sanferminetan emakume bati sexu erasoa egiteagatik zigortutako Guardia Zibila jardunetik kanpo dago. Gizonari bederatzi urteko zigorrari kartzela zigorra ezarri zion Nafarroako Auzitegi Nagusiak 2016an taldean egindako bortxaketagatik. Gaur kaleratutako ebazpenaren arabera, Guerrero iazko abenduaren 10ean geratu zen jardunetik kanpo, eta bost egun lehenago jakinarazi zioten. Margarita Robles Defentsa ministroak eta Alejo de la Torre idazkariordeak sinatu zuten ebazpena.

Iazko uztailetik, zerbitzuan zegoen Guardia Zibila, baina lantokia egokitu gabe (oinarrizko soldata kobratzen zuen, lan egin gabe). Alfonso Jesus Cabezuelo La Manadako militarra ere egoera bertsuan zegoen, harik eta urrian, Armadatik bota zuten arte.