2019rako ekoizpen programaren berri eman du gaur Volkswagen Navarra enpresako zuzendaritzak. Landabeneko lantokian 320.227 auto ekoitziko dituela aurreikusi du enpresak: 177.827 Volkswagen Polo eta 142.400 Volkswagen T-Cross. Aurreikuspen honen kontratazio berriak eragingo dituela adierazi du zuzendaritzak.
Urteko auto ekoizpenari dagokionez, Nafarroako lantegian izan duten hirugarren kopurutsuena izanen litzateke 2019an. 2010ean 336.336 auto ekoiztu zituzten, eta 2011an 353.353.
2019ko lehenengo lauhilekoan eguneko 1.408 auto ekoiztuko dituzte Landabenen. Bigarren lauhilekotik aurrera, malgutasun neurriak ezarriko dituela adierazi du zuzendaritzak.
