Olentzerori ongietorri beroa egiteko aukera izanen dute Iruñeko haurrek abenduaren 22an, 12:00etan, Zentral Kafe Antzokian, Euskalerria Irratiaren eskutik: 24ko gau magikoaren bezperaren bezperan, Olentzero gurekin izanen da, haurrekin abestuko du, ipuinak kontatuko dizkie, eta oparitxoren bat ere banatuko du.
Pantxika Lamur pailazoak haurren artean opariak banatzen lagunduko dio, akrobaziak eginez, lehiaketa txikiak antolatuz.
Oskar Estanga bertsolari eta musikariak haurrei lagunduko die ikazkin eskuzabalari abesten.
D ereduko ikastetxe publikoetako zein ikastoletako abesbatza txikiek kantak eskainiko dizkiote ikazkinari.
Sarrerak hiru euroan dira salgai, aurretik, eta 5ean eskuratu ahal izanen dira 22an txarteldegietan.
Hiru urtetik beherako haurrek ez dute sarrera ordaindu beharko.
Antolatzailea: Euskalerria Irratia
Laguntzaileak: Iruñeko Udala eta Olentzeroren Lagunen Elkartea.
Iazko festako irudiak: