2019ko aurrekontuetarako taldeek 957 zuzenketa aurkeztu dituzte. Lehen bi egunetako eztabaidan, Barne eta Funtzio Publikoa, Ogasuna, Hezkuntza eta Osasun departamentuen aurrekontuei dagozkien 384 zuzenketa eztabaidatu dira, eta gehienak (338) atzera bota dituzte Geroa Baik, EH Bilduk, Ahal Dugu-Orain Baik eta Ezkerrak. Izan ere, duela hiru aste, lau alderdien artean hitzartu zuten 128 zuzenketa egitea aurrekontuen proiektuari, 20 milioi eurokoak. Zuzenketek departamentu guztietan aurreikusten dituzte aldaketak: hala nola euskarazko diru laguntzak 200.000 euro handitzea, eta 0-3 zikloko haur eskolak finantzatzeko udalekin hitzartutako itunei, milioi bat euro gehiago ematea. Oraingoz, 46 onartu dituzte.
Gobernuak aurkeztutako aurrekontu proiektuak 4.010 milioi euroko gastu muga du, iaz baino 121 milioi gehiago.
Aurrekontuei oposizioak jarritako zuzenketak ez ditu laukoak onartu
Bi zuzenketa izan ezik, PSNk, UPNk eta PPk aurkeztutako guztiak atzera bota dituzte Geroa Baik, EH Bilduk, Ahal Dugu-Orain Baik eta Ezkerrak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
