Nafarroako Gobernuko Hezkuntza Departamentuak astelehen honetan EGA ziurtagiria lortzeko matrikula egiteko epea zabaldu du. Izen-emate epea datorren abenduaren 20an amaituko da. Interesa duten pertsonek Hezkuntza Departamentuko Informazio Atalean eman beharko dute izena, 08:30etatik 14:30etara bitartean.
Matrikula egiterakoan azterketa eskubideen kontzeptuan 26 euro ordaindu beharko dira. Lehen mailako familia ugarien kasuan 13 euro ordainduko dira, eta bigarren mailako familia ugariek ez dute ezer ordaindu beharko.
Hiru froga
Lehen deialdiko azterketak otsailean burutuko dira, eta 2019ko irailean bigarren deialdikoak. Deialdi bakoitzak hiru froga izango ditu: orokorra, idatzizkoa eta ahozkoa. Hala, lehen froga hizkuntza ezaugarriak oinarri izango dituen 80 galderako testa, eta ulermen ariketak izango ditu. Bigarrengoan bi idazlan egin beharko dira. Azken froga, ahozkoa izango da.
EGA ziurtagiria lortzeko matrikula epea zabalik da
Azterketa egin nahi dutenek abenduaren 20a bitartean dute izena emateko epea.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
