2019ko Binakako Txapelketaren estreinako partida Amezketako Larrunarri frontoian jokatuko da, 2018ko azaroaren 23an, ostiralean. Amezketa Jokin Altunaren jaioterria da; ondorioz, Altuna III.ak aukera asko ditu Binakako Txapelketako estreinako norgehiagoka bere herrian jokatzeko. Larrunarri pilotalekua uda honetan pintatu berri dute, eta dotore utzi dute goi-mailako partidak hartzeko.
Altuna III-Martija, Elezkano II-Rezusta, Ezkurdia-L.Galarza, Irribarria-Zabaleta bikoteak arituko dira lehian Aspe enpresatik, eta Olaizola II-Albisu, Urrutikoetxea-Aretxabaleta, Bengoetxea VI-Imaz eta Artola-Mariezkurrena II Asegarcetik.
Finala apirilaren 7an jokatuko da, Bilbon.