EH Bilduren parlamenturako zerrendako lehen postuetan, Araiz, Aznal eta Ramirez

Euskalerria Irratia 2018ko aza. 21a, 07:48
Bakartxo Ruiz, Adolfo Araiz eta Maiorga Ramirez.

Nafarroako EH Bilduren Hauteskunde Batzordeak barne prozedura amaitu du eta izena emandako guztiei helarazi die Nafarroako Parlamenturako zerrendaren lehen 15 postu. Jakina denez, EH Bilduk Bakartxo Ruiz aukeratu du Nafarroako Presidentziarako hautagai izan dadin.

EH bilduren barne prozesuan parte hartzeko izena eman behar da helbide honetan: elkarrekin.ehbildu.eus. Hainbat herritan azaroaren 24an bozketa presentziala egiteko aukera egongo da. Zerrenda egiteko irizpide desberdinak erabili ditu Hauteskunde Batzordeak: genero irizpidea, bazkideek zerrendaren %50a eta alderdiek ere %50, lurraldetasuna, gaitasuna eta abar. EH Bilduk lan talde sendoa eta eraginkorra osatu du Bakartxo Ruiz buru duela. Bilkideek aukera izan dute bere burua aurkezteko. Horrela, Patxi Zamorak bere burua aurkeztu du eta prest agertu da 9. postuan aurkezteko. Beraz, Hauteskunde Batzordeak proposatzen duen Alberto Goikoa eta Patxi Zamoraren artean aukeratu behar dute izena eman dutenek.

Hau da Hauteskunde Batzordeak proposatzen duen zerrenda eta azaroaren 23tik 25era botazioan jarriko dena:

2. Adolfo Araiz (Tafalla, 1961) Abokatua. Egun Nafarroako Parlamentaria.

3. Laura Aznal (Iruñea, 1971) Ekonomian lizentziatua NUPen. Egun Ezkabarten EH Bilduren zinegotzia.

4. Maiorga Ramirez (Tafalla, 1976) Filosofian lizentziatua. Egun Nafarroako parlamentaria.

5. Patricia Perales (Bargota, 1975) Gizarte Langilea eta Hezkuntzako irakaslea. Egun Iruñeko EH Bilduren zinegotzia.

6. Miren Aranoa (Buenos Aires, 1958) Hezkuntzako irakaslea. Egun Nafarroako parlamentaria.

7. Txomin Gonzalez (Korella, 1968) Sindikalista eta Erriberako ekimen desberdinetako kidea.

8. Arantza Izurdiaga (Iruñea, 1978) Abokatua. Egun Nafarroako parlamentaria.

9. Alberto Goikoa (Iruñea, 1965) Lanbide Hezitako irakaslea eta LABeko kidea.

10. Miren Zabaleta (Iruñea, 1981) Abokatua.

11. Joseba Ginés (Iruñea, 1968) Irakaslea. Egun EH Bilduko Aniztasun Kulturalaren Idazkaria.

12. Esther Korres (Iruñea, 1967) Iruñeko Hizkuntz Eskola Ofizialeko irakaslea. Egun Nafarroako parlamentaria.

13. Carlos Arellano (Korella, 1977) Kirol teknikaria. Egun Erriberako hainbat erakundeko kidea.

14. Dabid Anaut (Burlata, 1968) Euskara teknikaria. Egun Nafarroako parlamentaria.

15. Blanca Unzue (Iruñea, 1952) Pentsionista.

16. Andrés Etxenike (Narbarte, 1963) Egun Bertizaranako alkatea.

 

Politika Nafarroa

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!