Aiegik ez du eremu misto izan nahi

Aiegik ez du eremu misto izan nahi

Herri galdeketa egin zuten atzo herrian eta ezezkoa gailendu zen: 391 ezezko eta 361 baiezko izan ziren. Eremu ez-euskalduna deritzonaren barruan kokatua dago egun Aiegi, eta eremu mistora pasatzeko aukeraz galdetu zieten bizilagunei. 

Ezezkoa gailendu da Aiegin. Herritarren %42ak hartu zuen parte atzoko galdeketan. Horien artean gehienek "ezezkoa" eman zuten. Hala, 766 bizilagunetatik 391 izan ziren ezezko botoa eman zutenak eta aldiz baiezkoa 361 lagunek eman zuten. Galdeketan parte hartzen ahal zuten 1.849 bizilagunetatik 766 hurbildu ziren hautestontzietara. Nahi al duzu Aiegi, orain eremu ez-euskaldunean dagoen herria, eremu mistora pasatzea? galdera horren erantzuna ezezkoa izan zen 30 botoren aldearekin. 

Juan Mari Yanci da Aiegiko alkatea. Pozik azaldu zen herritar asko hurbildu zirelako botoa ematera: "Galdeketa izan aurretik esan nuen bezala, herri galdeketa hau loteslea izanen da eta kontuan hartuko dugu herritarrek nahi dutena", azaldu zuen.