Asteazkenean hasi eta larunbata bitartean 36 film labur eta luze ikusteko aukera izanen da Iruñeko Civican-en eta Tuterako Moncayo zinemetan. Hautatutako lanen erakuslehio izateaz gain, ekoizle, sortzaile eta animazio ikasleen arteko hartu emanetarako topagune izan nahi du jaialdiak.
Animatic motz eta Animatic Luze ataletan filmak ikusteko aukera izanen da, Animatic Educa DBH ko irakasleei zuzendua izanen da ikaslegeletara animazio trebakuntzak eraman ditzaten eta Animatic Industry sailean berriz egunko ekoizle eta sortzaileak etorkizuneko profesionalekin elkar ezagutzeko aukera izanen dute.
Aurten animazioa bolo bolo dabil, hortxe ditugu esate baterako Black Is Beltza edo ta Un Día más con Vida pelikulak. Azken honen ekoizlea den Amaia Remirezek hitzaldia emanen du ostegunean Iruñeko Civican-en Raul de la Fuente zuzendariarekin batera.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
