Maria Solana: "Hipoteken zerga bankuek ordaintzea berrikusiko du gobernuak"

Maria Solana: "Hipoteken zerga bankuek ordaintzea berrikusiko du gobernuak"

Egun, etxebizitza erosterakoan, ekintza juridiko dokumentatuen gaineko zerga bezeroek ordaintzen dute, eta ez finantza erakundeek.

"Gizartearen ustekabearekin eta ezinegonarekin bat" egiten du Nafarroako Gobernuak. Auzitegi Gorenaren epaiaren ondotik, Nafarroako Gobernu kontseiluan egoera aztertu dute, eta prest azaldu dira ekintza juridiko dokumentatuen gaineko zergaren foru legea aldatzeko. Oraindik ez dago proposamen finkorik, baina Maria Solana gobernuko eledunak baieztatu du berrikusteko konpromisoa dutela. Nafarroan ez bezala, Araban, Bizkaian eta Gipuzkoan ez da zergarik ordaintzen, baldin eta erositako etxea bizitoki nagusia bada. Nafarroako Ogasunak, berriz, ardura hipotekarioaren %0,5 kobratzen du.