Nafarroako Elikagaien Bankuak 3.000 pertsonaren laguntza behar du Bilketa Handia egin ahal izateko. Azaroaren 30ean eta abenduaren 1ean eginen dute elikagai bilketa Nafarroako 64 herritan. Aurten jasoko dutenarekin 30.000 bizilaguni emanen diote jatekoa. Olioa, kakaoa, pasta, egositako lekaleak eta arrain kontserbak eskatu dituzte oraingoan.
Bilketa Handia izanen da berriz ere eta berrikuntzen artean saltokietan (Eroskin eta BM supermerkatuetan) 5 euroko donazioak egiten ahalko direla elikagaietara bideratzeko. Modu horretan Elikagaien Bankuan kanpainaren amaieran behar dituen jakiak erosi ahal izateko.
Urrira arte 2.900 tona janari banatu dira 7.500 familiaren artean.