Erredura larrien ondorioz atzo hil zen emakumezkoa Zaragozako ospitalean. Joan den astean izan zen sutea Alde Zaharreko bere etxebizitzan eta ikertzen ari dira berarekin bizi zen gizonezkoak piztu ote zuen.Indarkeria matxistak hildako emakumea litzateke eta kalera atera eta protesta egiteko deia egin dute: 12:00etan udaletxe plazan izanen da elkarretaratze isila eta 20:00etan mugimendu feministak deitutakoa.
Indarkeria matxistaren 8. biktima
Iruñekoa Euskal Herrian aurten izandako zortzigarren hilketa matxista da, gutxienez. Irailaren 24an izan zen aurrekoa, Bilbon. Maguette Mbeugou hil zuen haren senarrak, labankadaz. 25 urte zituen. Eraso egin eta alde egin zuen; 2 eta 4 urteko alabak amaren gorpuarekin utzi zituen gutxienez 24 orduz. Andreak bikotekidearen aurkako salaketa jarria zuen, eta banatzekotan zen. Gizona kartzelatu egin zuten.
