2012an Alderdi Popularraren Gobernuaren eskutik heldu zen Nafarroara Daniel Rodriguez komisarioa Espainiako Poliziaren buru izateko. Orduz geroztik, ezagutu berri den twitter kontu sekretu hau erabilita foru ordezkari eta baita estatuko politikarien kontrako mezuak zabaldu egin ditu. “Nazkagarria”, “traidorea” edo ta “analfabetoa” bezalako hitzak erabiltzen ditu ezkerreko ordezkari eta politikari abertzaleei zuzendutako mezuetan. Iraun hauetaz gain, Rodriguezek UPyD eta VOX muturreko alderdien aldeko twitak ere argitaratu ditu. Abascal eta Tejeroren gaineko miresmena erakutsi eta Kataluniako afera konpontzeko, katalanei gogor aurre egin behar zaiela adierazten du.
Albistea eman duen ElDiario.es-en arabera, Rodriguezek ez du ukatu twitter kontu hori berea denik, bere sakeleko telefonoan kontua irekita du, bainan aipaturiko mezuak bere anaiari leporatu dizkio hasiera batean gero bere emazteak idazten zituela adierazteko.
