Prest du gobernuak heldu den urterako zerbitzu publikoak eskaini ahal izateko aurrekontu proiektua. aurrekontuaren foru lege aurreproiektua onartu du: aurrekontu osoa 4.306 milioi eurokoa izanen da. Mikel Aranburu Nafarroako Ogasun kontseilariaren hitzetan, "aurrekontu onak" dira, gastu muga %3,1 handituko delako. "Zintzotasunez kudeatu ditugu aurrekontuak, arduraz eta etorkizuneko ikuspegiaz, kontu orekatu eta egonkorretan oinarrituta". Aurrekontu horren %55 gizarte gasturako izango dela nabarmendu du Aranburuk —hala nola Osasuna, Hezkuntza eta Eskubide Sozialak—.
Aurreproiektua Nafarroako Ekonomia eta Gizarte Kontseilura, Foru Erregimeneko Batzordera eta Ingurumen Kontseilura igorriko dute, behin betiko lege proiektua onartu aurretik. Urrats hori eginda, parlamentura igorriko dute proiektua, taldeek eztabaidatu eta bozkatu dezaten. Ia hiru hilabete dituzte aurrean, urtea amaitu baino lehen.
