'Baloreak', giza balioei helduko dien proiektu berria

Euskalerria Irratia 2018ko urr. 15a, 08:30

Sentitzeko, ikasteko eta ongi pasatzeko egitasmoa sortu du Pello Reparaz musikariak. Euskal Herriko txoko desberdinetako bost gaztek hartzen dute parte musikari lanetan eta bereziki baloreak trasmititzeko lanean. 

Baloreak izenarekin sortu du proiektu berria Pello Reparaz musikariak (Vendetta taldearen ahots izandakoa). "Gazteek sentimenduei, emozioei, zintzotasunari, ilusioari eta baloreei kantatzen diete. Kultura eta etika oinarri hartuta, ahotsa jartzen diote horri guztiari", dio Reparazek berak. Iradi (bilbo), Asier (Iruñea), Kaiet (Getaria), Netsanet (Baiona) eta Luna (Berriozar) dira Baloreak proiektuaren protagonista. 

Hiru kanta grabatuak dituzte talde-lanean. Orain bakarkakoan dabiltza. Bakoitzari balore bat "egokitu" zaio eta horren inguruko kantua sortzen ari dira. Txoko desberdinetako gazteekin ari dira konpartitzen esperientzia hau, bakoitzaren perspektiba jasotzen ari dira norberari egokitu zaion balore horren inguruan. Abenduan kaleratuko dute lehen lana. 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!