Medikuntza ikasketak 19/20 ikasturtean izanen dira martxan NUPen

Euskalerria Irratia 2018ko ira. 27a, 19:05

 

Nafarroako Gobernuko Hezkuntza kontseilari Maria Solanak jakitera eman duenez, Nafarroako Unibertsitate Publikoa 2019ko irailean prest izanen da medikuntza ikasketak eskaintzeko. Erizaintza eskaintzen den Osasun Fakultatean emango da, eta horretarako handitu egingo dute eraikina. 

EH Bilduk parlamentuan egindako galdera bati erantzunez eman du xehetasunen berri kontseilariak. Hiru esparru nagusitan ari da unibertsitatea lanean: ikasketa plana, irakasle eta ikerlarien erakartzea eta Medikuntza eskaintzeko eraikinaren egokitzapena. Nafarroako ospitale gunearen barruan kokatuko dutela adierazi du kontseilariak. 

 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!