Frankismoan fusilatuta hil zituztenak gogoratzeko ekimena debekatu du gobernu ordezkaritzak

Euskalerria Irratia 2018ko ira. 27a, 07:55
Deskargatu Info Ahotsak :

Txiki eta Otaegi.

Ahaztuak taldeak elkarretaratzea antolatua du gaur arratsalderako udaletxeko plazan. Frankismoak hil zituen azken bost herritarrak gogoratu nahi zituen baina debekatu egin dute ekimena. ETA eta FRAPeko kideen argazkiak ageri dira kartelean eta horrek terrorismoa goratzea ekar dezakeela argudiatuta debekatu dute.

Jose Humberto Baena, Jose Luis Sanchez Bravo eta Ramon Garcia Sanz Frente Revolucionario Antifascista y Patriota taldeko kideak zein ETA politiko-militarreko Juan Paredes Manot (Txiki) eta Angel Otaegi izan nahi ditu gogoan Ahaztuak taldeak antolatu duen elkarretaratzeak. Espainiako Gobernu ordezkaritzak baina terrorismoa goratzen ahal duela esanaz debekatu egin du ekimen hori. 

1975ko irailaren 27an hil zituzten bost kide horiek. Francok agindutako azken fusilamenduak izan ziren. Duela 43 urte gizarte mobilizazio handiak izan ziren hilketa horiek salatzeko. 

Gizartea Nafarroa

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!
Tokikom logotipoa
Gertuko informazioa, euskaraz
Tokikom publizitatea