UPNko talde parlamentarioan bi kidek euskaraz zekiten legealdiaren hasieran. Duela hilabete batzuk bakarra gelditzen zen Iñaki Iriartek bere akta alde batera utzita. Atzo iragarri zuen euskaraz dakien UPNko beste parlamentariak, Cristina Altunak berak ere utzi eginen duela parlamentari akta. Irakasle izateko oposizioak gainditu ditu Altunak. Ekaineko azterketan lortu zuen plaza bat hezkuntzan eta irakasle izateko utziko du parlamentari lana. Larraintzargo ikastetxean ariko da Altuna D ereduan eskolak ematen DBHko ikasleei. "Ohorea izan da aukera izatea erakundeetan barrutik lan egitea urteotan".
UPNko parlamentariak iragarri du parlamentuko lanak utzi eta irakasle izanen dela hemendik aurrera. Oposizioetan, ekaineko azterketan, irakasle plaza atera zuen Altunak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!