2015ean iragarritako aldaketa ez da eman Nafarroan. Hitz horiekin ekin dio Ciudadanoseko idazkari nagusi Carlos Perez-Nievasek eskaini duten agerraldiari. "Benetako aldaketa ekarriko du Ciudadanosek datorren legealdian politika aktibora sartzearekin batera", nabarmendu du. Laukoaren gobernuak okerrera eraman du erkidegoa. Kezkatuta daude alderdi nazionalista baten esku geratu delako Nafarroa: "Arlo identitarioa baino ez dute landu eta gainerako arloetan atzera egitea lortu dute; osasunean, hezkuntzan edota gizarte gaietan".
Uxue Barkos presidentea izkutuan dabilera ere uste du Ciudadanosek: "Izkutuan gordetzen da euren lotsak agerian ez geratzeko". Ciudadanosek argi du eserlekuak lortuko dituela 2019ko hauteskundeen ondotik. Eta argi du era berean UPNk irabaziko dituzela hauteskundeak, baita, PSNk izanen duela hurrengo gobernua osatzeko giltza ere. Hori bai, Geroa Bairekin baldin bada, ez du Ciudadanosen babesik izanen, esan du.