Azken urtean kargudun publikoen dimisio eskaerak areagotu egin ditu UPN alderdiak: gutxi gorabehera, orain arte, hamabostean behin egin du. Abuztuaren 20an egin zuten azkena. Javier Esparza UPNko buruak Uxue Barkos Nafarroako presidentearen dimisioa eskatu zuen, Maravillas gaztetxearen hustearen harira. "Joan dadila".
Javier Esparza UPNko buru denetik, 2015etik, gero eta dimisio gehiago eskatu ditu alderdiak. Nafarroako Gobernuko kargudunen dimisioak dira gehien eskatu dituztenak. Ogasun kontseilari Mikel Aranburu eta Osasun kontseilari Fernando Domingezena izan ezik, gorernukide guztiena eskatu dute. Rankinga egin du Diario de Noticias egunkariak. NNafarroako Barne kontseilari Maria Jose Beaumonten dimisioa da gehien eskatu dutena: 6 aldiz legegintzaldi honetan. Haren atzetik, Hezkuntza kontseilari Maria Solana dago rankingean, bost aldiz eskatu dute haren dimisioa. Manu Ayerdi Gaarapen Ekonomikoko zuzendariordearen lau aldiz eskatu dute; Jose Luis Mendoza Hezkuntza kontseilari ohiarena, berriz, 4 aldiz; eta Uxue Barkos Nafarroako presidentearena hiru aldiz.
