Gizon batek Foruzaingoari dei egin zion, emaztea dutxan erori zela esanez, baina, Polizia iritsita, emakumeak kolpe gehiago zeuzkala atzeman zuten. Hala, emakumea ospitalera eramanda, tratu txarrak izan ote ziren ikertzen hasi ziren foruzainak. Astelehenean hil zen.
38 urteko emakumeak 41 urteko gizonezkoaren partetik tratu txarrak jaso ohi zituela ondorioztatu zuten azkenean, eta atxilotua eraman zuten gizona Agoizko auzitegira.Bertan, espetxeratzeko agindua eman zuten, emakumearen heriotzaren erantzule delakoan. Bermerik gabeko behin behineko kartzealdian dago.
