Abiadura Handiko Trenaren lanek aurrera segitzen dute Nafarroan. Dagoeneko hasiak dira Azkoien eta Erriberri arteko plataforma eraikitzen. Ez hori bakarrik, laster hasiko baitira baita Alesbes eta Azkoien arteko lanekin ere. Horrez gainera Adif-ek lehiara ateratzeko asmoa iragarri du Erriberri-Tafalla arteko zatia ere.
Azvi enpresa ariko da Azkoien eta Erriberri arteko plataforma sortzeko lanetan. 30 milioi euro beharko dituzte lan horiek egiteko. AHT Gelditu taldeak gogoan izan du Azvi enpresa PPko Luis Barcenas diruzainaren "paperetan" agertu zela 900.000 euroko diru partidetan.
Hurrengo trenbide tartea, Alesbes eta Azkoien artekoa, Juan Miguel Villar Mir buru duen OHL enpresari esleitu zaio 56 milioi euroren truke. "Gizon hau Púnica auzian inputatu gisa deklaratzera deitu dute obra publikoak esleitzearen truke Madrileko PPko B diru-kutxan dirua sartu izanaren susmopean", gogorarazi du AHT Geldituk.