Joseba Asiron, talde bortxaketari buruz: "Erabaki hau guztiz okerra da, eta errekurrituko dugu"

Euskalerria Irratia 2018ko eka. 22a, 12:27

Epaitegiek hartutako erabakiekin ez du bat egiten udalak, "oso larria" izan baitzen 2016ko talde bortxaketa. Biktimari "elkartasuna eta maitasuna" adierazi dizkio Iruñeko Udalak.

Kalean daude, behin behinean, 2016ko talde bortxaketako erasotzaileak, Nafarroako justizia auzitegiak hala erabakita. Iruñeko Udalak helegitea jarriko du, "oso larria" baita gertatutakoa. "Elkartasuna eta maitasuna" adierazi dizkio Joseba Asiron Iruñeko alkateak erasotutako emakumeari. 

Alkateak ez du alarma soziala piztu nahi sanferminen atarian, ez behintzat ohikoa den kezkaz harago: "Ez dut kezka berezirik, normala den kezkaz harago. Guretzat beti kezka izan da lortzea hiri seguru bat gizonezkoentzat, zein emakumezkoentzat, eta horretan jarraituko dugu". 

"Ziur naiz berriro ere Iruñeko hiritarrak bere tokian egonen direla, haiek izan ziren Iruñea kokatu zutenak eraso sexisten aurka, estatu mailan, abangoardian", adierazi du, jaietara begira.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!