Kalera aterako dira, behin behinean, 2016ko sanferminetako talde bortxaketan parte hartu zuten bost erasotzaileak, Nafarroako Probintzia Auzitegiak hala erabakita, eta defentsak egindako eskaera aintzat hartuz, biktimarengandik 500 kilometrora bizi direlako. Biktimaren "sosegua" bermatzeko, "horren larriak ez diren beste neurri batzuk" hartu behar direlakoan dago.
Ihes egiteko arriskurik ez dela azpimarratu du, halaber, autoak, baita delitua berriz egiteko arriskurik ez dagoela ere, "kasuaren oihartzunarengatik eta eragin duen presioarengatik arbuio soziala elikatu duelako, arrisku hipotetiko hori zalantzan jarriz".
Epaileetako baten boto partikularra jaso du kontran, Jose Francisco Coborena; hark kartzelan segitu behar dutela defendatu du, "salatzailearen egonkortasuna eta lasaitasuna eta haren inguruarena bermatzeko"
Pasaporteak entregatu behar dituzte erasotzaileek, eta astean hiru aldiz epaitegi baten aurrean aurkeztu beharko dute.
