Honekin batera Kultur astea antolatu dute 25etatik 28ra. Lehen hitzaldia Xabier Irujok eskainiko du, ekainaren 25ean, “Errozabal-Orreaga” izenburuarekin. Ekainaren 26an, Mikel Sorauren historialariaren txanda izanen da, Iruñeari buruzko solasaldiarekin. Amaia Iraizozek, ekainare 27an, Aezkoako XIX mendeko emigrazioa izanen du solasgai. Ekainaren 28an, mahai-inguru bat ospatuko dugu Juan Martin Elexpuru, Iñaki Sagredo eta Patxi Zabaletarekin, Luis María Martínez Garatek zuzendurik, eta Iruñea, Iruñea Beleia eta gotorlekuak izanen dituzte mintzagai.
Ekainaren 30eko egitaraua
10:00 ELKARRETARATZEA Noaingo Guduaren Plazan. Joaldunak, Zendeako abesbatza, Ardantxeta Dantza Taldea 10:30 // MARTXAREN ABIATZEA 10:50 // GELDIALDIA MAKALDIAN Zendeako koroa, irakurketa laburra eta Ardantxeta Dantza Taldea. Martxa joaldunekin abiatuko da ondoren. 11:15 // GETZERA IRITSI ETA MONUMENTURA IGOERA Monumentura igoera, txalapartaren soinuarekin batera. Bertan, pregoi irakurketa eskainiko da aurtengo pregoilariaren eskutik, Javier Etayo “Tasio”. Lore eskaintza eta aurreskua, Ortzadar dantza taldearen eskutik. 12:00 // GETZENEAN GELDIALDIA 14:00 // BAZKARIA GETZEN*
Bazkarirako txartelak nabarralderen web gunean har daitezke 25era arte.
