Puta horri larrua joko diot, famatu egin eta lurpean sartuko dut edota Andreak utzi egin nau, puta hutsa delako, zein Jarri lau hankatan, jaitsi eta txupatu gisako letrak entzun daitezke Kidd Keo raperoaren ahotsan, horregatik ez zuen jo ViñaRocken, eduki "misoginoa eta biolentoa" jorratzeagatik; gaur, ordea, Cortesen (Nafarroa) eskainiko du kontzertua, 30 eragile feministatik gora kontra azaldu badira ere, izan ere, Holika jaialdira gonbidatu dute. Espazio publiko batean izanen da emanaldia, futbol zelaian, eta udalean kritikak izan badira ere, UPNk eta CETek haren emanaldia sostengatzen segitzen dute.
Misoginiaren letrak
"Emakumeon kontrako indarkeria iraunarazten du, eta kultura misoginoa normaltzat jotzen du, ezbaian jarri gabe", salatu dute eragile feministek, eta, hori dela kausa, deia egin diete "berdinasunarekiko konpromisoa duten instituzio publiko guztiei", horren aurrean esku har dezaten, "zintzotasunez" jokatu dezaten.
Instituzioek "gune seguruak" eskaini behar dituztelakoan daude, "errespetuaren kultura eta aisialdia" sustatzeko, eta, ondorioz, udalak hartutako jarrera kritikatu dute.
