Queer resistance, gora borroka transmarikabolloa lelopean, hamaika hitzordu zehaztu ditu ekainerako Transmarikabollo Asanblada Autonomoak, Maravillas gaztetxean eta Zabaldin: esaterako, igandeetan, zinema emanaldiak izanen dira, gaztetxean; arnesak eta floggersak egiteko ikastaroa ere badago; harrotasunari buruzko birpentsatze prozesua; Nola izan bollera Iruñean, saiakeran hil izeneko gabe tailerra... Anitza da prestaturiko eskaintza.
Eta aste honetako lehen hitzordua, argazki erakusketa baten irekiera eta pintxo potea, Maravillas gaztetxean, 19:30ean. Gainontzekoak kaleratu duten kartelean ikus daitezke.
Manifestazioa eta festa
Asanbladak bere kabuz antolatutakoaz gain, festa prestatu dute Ekainaren 28ko Plataformarekin elkarlanean, ekainaren 23an, larunbatarekin, San Jose plazan; herri bazkariarekin hasi eta iluntzera arte izanen da zertaz gozatua.
Eta urteroko hitzordua: manifestazioa. Ekainaren 28an eginen dute, ostegunarekin, autobus geltoki zaharretik abiatuta; gero, Trasmarikabollo Asanblada Autonomoak pintxo potea eskainiko du Maravillas gaztetxean.
Egitarau osoa hemen ikus daiteke:
