Ekainaren 22an lanuzte eguna izanen dute Correosen langileek. Eta hortik aurrera lanuzteak mugagabeak izanen dira ez bada egoera konpontzen. CSIF, LAB, CGT eta UGT sindikatuek enpresaren konpromiso falta sumatzen dute egunerokoan izaten diren hutsuneak betetzeko. Iruñean bereziki banaketak egiteko lan-talde txikia dagoela salatzen ari dira.
Legeak diona ez direla betetzen ari salatu dute sindikatuek. Egunero gelditzen delako banatu gabe zerbait lan-talde nahikoa ez dagoelako une hauetan. Astelehenetik ostiralera egin behar diren banaktak ez dira egiten eta horrek herritarrei eskubide bat ez ziurtatzea eragiten die: "komunikazio postala izateko eskubidea".
Correosen lanean ari direnen egoera ez dela xamurra ere badakite sindikatuek. Lan zama handia dute eta lan erritmoa oso intensoa izaten da egunero. Azken aldian egoera hori are gehiago larritu da 15 langile gutxiagorekin ari baitira. Hortaz, Correos enpresaren jarrera zein izan den ikusita lanuzteak egitea izanen da irtenbidea sindikatuen ustez: "Iruñeak bizi duen egoera bideratu arte eta langile gehiago kontratatu arte lanuzteak eginen ditugu", esan dute.
